հետ

Մեր աշխատակիցները

 

Տիգրան Ավագյան, 30 տարեկան

Հողային աշխատանքների ինժեներ


Տիգրանը ծնունդով Վայոց Ձորից է, միացել է «Լիդիան Արմենիայի» թիմին 2017 թվականի գարնանից։  2010 թվականին Տիգրանը գերազանցությամբ ավարտել է Երևանի Ճարտարապետության և շինարարության պետական համալսարանի Շինարարության տեխնոլոգիայի ֆակուլտետի մագիստրատուրան, այնուհետև 2014 թվականին նույն համալսարանի ասպիրանտուրան: Հեղինակ է շինարարության ոլորտի 6 գիտական հոդվածների։ Տիգրանը անցել է նաև վերապատրաստումներ արտասահմանյան մի շարք երկրներում, այդ թվում Իտալիա, Չինաստան, Ռուսաստանի դաշնություն և այլն, իսկ վերջին ձեռքբերումներից կարելի է նշել Իտալիայի Միլան քաղաքում հեղինակավոր Ինժեներական ընկերության կողմից ստացած Ֆիդիկ Ինժեների որակավորումը։ Սկսած 2008 թվականից Տիգրանը նաև դասավանդում է Երևանի Ճարտարապետության և շինարարության պետական համալսարանում։  

Շինարարության ոլորտում Տիգրանն ունի ավելի քան 10 տարվա աշխատանքային փորձ այդ թվում քաղաքացիական և հիդրոտեխնիկական կառույցների շինարարության ավելի քան 5 և ճանապարհաշինության 5 տարվա փորձառություն։

«Սկսել եմ աշխատել Ամուլսարի ծրագրում, քանի որ սիրում է Վայոց Ձորը և հավատացած եմ, որ կարող եմ այս կարևոր ծրագրի շրջանակներում ծառայեցնել իմ գիտաարտադրական պատրաստվածությունը ի նպաստ մարզի զարգացման, ինչպես նաև ձեռք բերել ավելի խորը գիտելիքներ՝ աշխատելով արևմուտքից ժամանած պրոֆեսիոնալ մասնագետների հետ համատեղ»,- ասում է Տիգրանը:

 

 


Մերի Ստեփանյան, 23 տարեկան

Ադմինիստրացիայի համակարգող

 

Մերին Ջերմուկից է: 2013-2017թթ. սովորել է Երևանի Բրյուսովի անվան պետական լեզվաբանական համալսարանում, ստացել լեզվաբանի բակալավրի աստիճան, ուսմանը զուգահեռ 2016-ին համալրել է «Լիդիան Արմենիայի» շարքերը: Մերին մեկն է այն հարյուրավոր երիտասարդներից, ովքեր աշխատում են Ամուլսարի ծրագրում միջազգային լավագույն մասնագետների կողքին և ձեռք են բերում մասնագիտական մեծ փորձառություն և իրենց ապագան տեսնում են Հայաստանում:

«Լինելով Ջերմուկ քաղաքի բնակիչ՝ տեղյակ եմ Ջերմուկի բնակիչների բոլոր խնդիրներից ու մտահոգություններից: Ես շատ եմ սիրում իմ հայրենի քաղաքը, մեծ հույսեր և նպատակներ ունեմ, որոնք պետք է իրագործեմ հենց այստեղ: Դրանց համար մեծ նախադրյալներ է ստեղծել «Լիդիան Արմենիան»: Ջերմուկում ակնհայտ է Ծրագրի դրական տնտեսական ազդեցությունը՝ ստեղծվել են աշխատատեղեր, նվազել է արտագաղթը: Ուրախ եմ, որ «Լիդիան Արմենիայի» մեծ ընտանիքի անդամ եմ ու հնարավորություն ունեմ հենց ներսից տեսնելու ընկերության պատասխանատու և հոգատար վերաբերմունքը շրջակա միջավայրի, հարակից համայնքների, աշխատակիցների և աշխատանքային պրոցեսի նկատմամբ: Այս ամենը ինձ ոգևորում է և ես ավելի մեծ մասնակցություն եմ ուզում ունենալ այս գործին, որ մենք ենք անում մեր մարզում: Վստահ եմ, որ բոլորիս նպատակները կիրականան նման հետևողական աշխատանքի շնորհիվ»,- ասում է Մերին:  

 

 

 

Ջոն Ք. Ֆուրի, 29 տարեկան

Գլխավոր մետալուրգ


Ջոնը քիմիայի մասնագետ է, ով համապատասխան փորձ ունի քիմիական մշակման ֆաբրիկանների նախագծման, գործարկման և շահագործման ոլորտում: Ջոնի աշխատանքային փորձը ներառում է քիմիական հարստացման տարբեր տեխնոլոգիաննների ոլորտում աշխատանքներ, մասնավորապես հազվագյուտ մետաղների, ոսկու ու արծաթի, և ոչ ազնիվ մետաղների արդյունահանման գործընթացներում մասնագիտացում:

Ջոնը աշխատել է մի շարք միջազգային հանքարդյունաբերական ընկերություններում, որոնց թվում են՝ AngloGold Ashanti, Asanko Gold, IAMGold, De Beers, Anagold, Rand Refinery, and Harmony Gold: Նա աշխատել է ավելի քան 14 երկրների քիմիական ֆաբրիկաներում:

Ջոնը ստացել է գիտական աստիճան՝ Քիմիական ինժեներիայի ոլորտում՝ քիմիական էկոլոգիական ինժեների մասնագիտացմամբ: Նա գերազանցությամբ ավարտել է երեք համալսարաններ՝ Ռոդեսի համալսարանը, Յոհաննեսբուրգի համալսարանը և Հարավային Աֆրիկայի համարսարանը:

«Ես ուրախ եմ լինել Ամուլսարի ոսկու հանքի ծրագրի և թիմի անդամ: Այս ծրագիրը հսկայկան ներուժ ունի և պատասխանատու աշխատանքի դեպքում այսպիսի ծրագիրը կարող է բարելավել հազարավոր մարդկանց կյանքը», - ասում է Ջոնը: