հետ

Փոխըմբռնման հուշագրի ստորագրում «Ջերմուկ ազգային պարկի» ստեղծման նպատակով

«Ջերմուկ ազգային պարկի» ստեղծման  նպատակով ՀՀ Բնապահպանության նախարարությունը   և  «Լիդիան Արմենիա» ընկերությունը ստորագրեցին  փոխըմբռնման հուշագիր։

«Ջերմուկ ազգային պարկի»  ծրագրում «Լիդիան Արմենիան» առաջիկա 5 տարիների ընթացքում ներդնելու է ավելի քան 5 միլիոն ԱՄՆ դոլար: Ծրագիրը բազմակողմ է և միտված է կենսաբազմազանության պահպանմանը ինչպես նաև էկոտուրիզմի և էկոգյուղատնտեսական ծրագրեր ներդնելու միջոցով՝ «Ջերմուկ ազգային պարկի» կայուն զարգացման ապահովմանը: 

Համաշխարհային առաջադեմ փորձը փաստում է, որ հնարավոր է իրականացնել  բնական ռեսուրսների արդյունահանում` ժամանակակից լավագույն կառավարման միջոցների արդյունավետ կիրառմամբ: Պետությունը, համագործակցելով ու ողջունելով մասնավոր հատվածի նախաձեռնությունները, միաժամանակ խստագույն վերահսկողություն է իրականացնում՝ բնապահպանական ռիսկերի կառավարման և կենսաբազմազանության պահպանման նկատառումներով։  Այս տեսակետից բարձր գնահատվեց «Ջերմուկ ազգային պարկի» ստեղծման հարցում «Լիդիան Արմենիա» ընկերության պատրաստակամությունն ու նախաձեռնողականությունը, ինչը խոստանում է բնապահպանական պահանջների պատշաճ կատարում և ապագայում արդյունավետ համագործակցություն՝ ի նպաստ հայրենի բնության և կենսաբազմազանության պահպանման։ 



«Լիդիան Արմենիան» և ընկերության բաժնետերերը խիստ նախանձախնդիր են Ամուլսարի ծրագիրը սոցիալական և բնապահպանական միջազգային լավագույն փորձին համապատասխան իրականացնելու հարցում: «Ջերմուկ ազգային պարկի» ստեղծման ծրագրում ընկերությունը ոչ միայն ներդնելու է ավելի քան 5 միլիոն ԱՄՆ դոլար, այլև ներգրավել է կենսաբազմազանության պահպանության միջազգային լավագույն մասնագետներին: Համաշխարհային ճանաչում ունեցող մասնագետների և հայաստանյան լավագույն գիտնականների համատեղ ջանքերով «Ջերմուկ ազգային պարկը»  կարող է դառնալ կենսաբազմազանության պահպանության օրինակելի ծրագիր ոչ միայն տարածաշրջանում, այլև հանքարդյունաբերության միջազգային պրակտիկայում:

«Ջերմուկ ազգային պարկի» ծրագրի իրագործման մեխանիզմները ներկայացրեց բրիտանական Treweek Environmental Consultants (TEC) բնապահպանական խորհրդատվական ընկերության կենսաբազմազանության կառավարման փորձագետ, Զերմուկ ազգային պարկի ծրագրի համակարգող Ռամազ Գոխելաշվիլին:

/arm/newsdetails/%25D5%2593%25D5%25B8%25D5%25AD%25D5%25A8%25D5%25B4%25D5%25A2%25D5%25BC%25D5%25B6%25D5%25B4%25D5%25A1%25D5%25B6-%25D5%25B0%25D5%25B8%25D6%2582%25D5%25B7%25D5%25A1%25D5%25A3%25D6%2580%25D5%25AB-%25D5%25BD%25D5%25BF%25D5%25B8%25D6%2580%25D5%25A1%25D5%25A3%25D6%2580%25D5%25B8%25D6%2582%25D5%25B4-%25C2%25AB%25D5%258B%25D5%25A5%25D6%2580%25D5%25B4%25D5%25B8%25D6%2582%25D5%25AF-%25D5%25A1%25D5%25A6%25D5%25A3%25D5%25A1%25D5%25B5%25D5%25AB%25D5%25B6--%25D5%25BA%25D5%25A1%25D6%2580%25D5%25AF%25D5%25AB%25C2%25BB-%25D5%25BD%25D5%25BF%25D5%25A5%25D5%25B2%25D5%25AE%25D5%25B4%25D5%25A1%25D5%25B6-%25D5%25B6%25D5%25BA%25D5%25A1%25D5%25BF%25D5%25A1%25D5%25AF%25D5%25B8%25D5%25BE/105/