հետ

Պետք է լինեն հավասար մրցակցային դաշտ և հստակ չափանիշներ

- Մի քանի օր Ամուլսարի հարակից համայնքների բնակիչները բողոքի ակցիաներ էին կազմակերպել, փակելով Ամուլսար տանող ճանապարհները: Ի՞նչպես է ընկերությունը արձագանքել այդ ակցիաներին:

- Մի խումբ բնակիչներ, և ոչ ամբողջ համայնքը, մի քանի օր փակել էին հանքի շինհրապարակ տանող ճանապարհը: Մենք հարգում ենք բոլորի տեսակետները և արտահայտվելու իրավունքը: Ընկերությունը հանդիպել և զրուցել է բողոքի ակցիայի կազմակերպիչների հետ: Մարդկանց մի խումբն ունի որոշ դժգոհություններ, օրինակ՝ աշխատանք չունենալու հետ կապված խնդիրը, կամ վերջերս տեղի ունեցած ջրատար խողովակի վնասվելը: Նման օբյեկտիվ դժգոհությունները հասկանալի են: Կարելի է դրանց շուրջ ռացիոնալ լուծումներ գտնել: Սակայն բնակիչների մի խումբ կար, որն ակնհայտ նպատակ ուներ առանց որևէ ռացիոնալ պահանջի պարազապես ընդհատել երկրի ամենախոշոր միջազգային ներդրումային ծրագրի աշխատանքները, ինչը կարծում եմ, մեղմ ասած համահունչ չէ երկրի շահի հետ:

- Երկու օր առաջ Ամուլսարի ծրագիրի դեմ կառավարությանը ուղղված կոչով դիմեց նաև Ջերմուկի ավագանին:

- Ես կարծում եմ երկրի կառավարությանը նման կոչեր ուղղելիս պետք է լիարժեք գիտակցել դրա պատասխանատվությունը: Կարծում եմ, որ ավագանու անդամները և այլ անհատներ, որոնք երկար տարիներ Ջերմուկի, մարզի և երկրի տարբեր ղեկավար կառույցներում են եղել, հասկանում են նման կոչերի պատասխանատվությունը: Կարծում եմ, որ հստակ է այն գիտակցումը, որ միջազգային և հայաստանյան բնապահպանական և օրենսդրական բոլոր չափանիշներով բոլոր թույտվությունները ստացած և այդ չափանիշներին լիարժեք համապատասխանող խոշոր միջազգային ներդրողի հանդեպ չեն կարող կիրառվել չհիմնավորված և անիրավաչափ գործողություններ: Դա երկրի ներդրումային հեղինակության խնդիր է: Ուստի դժվար է հասկանալ նման անիրատեսական կոչեր հնչեցնելու իրական նպատակը:

Կարդալ ավելին